Pasditen e sotme Policia Kufitare e Portit të Durrësit, pas marrjes së informacioneve në rrugë operative, ka ndaluar 2 kamionë të cilët shërbenin për transportimin e automjeteve nga Italia në Shqipëri.
Pas një kontrolli të imtësishëm në skaner në kamion, u gjetën të fshehura në pjesë të ndryshme të tij, një vlerë monetare prej 282.265 eurosh.
Pas gjetjes së kësaj sasie të padeklaruar monetare, policia arrestoi në flagrancë Ferdinant Murikajn 29 vjeç, si dhe shpalli në kërkim shtetasin Erjon Jovani.
Uniformat blu vijuan kontrollin edhe në automjetin tjetër ku drejtues i saj ishte shtetasi A.L. Pas kontrollit në çantën personale të këtij shtetasi u gjetën dhe u sekuestruan 11.765 euro.
Kujtojmë se 36-vjeçari Erjon Jovani është pronari i firmës që ka në pronësi kamionin e kapur me sasinë eurove të sekuestruar në Portin e Durrësit.
Ndërkohë vetëm 4 vite më parë, Jovani ka qenë arrestuar nga policia e Durrësit, pasi u kap në flagrancë në portin e qytetit me 190 kilogramë kanabis./GazetaReforma.com/
