Politika është terren i vështirë, sidomos për një femër lidere të një force partiake siç është ajo e LSI-së, por mesa duket Kryemadhi është duke ia dalë më së miri.
E ftuar në “360 Gradë”, gazetari Artur Zheji nuk është kursyer duke e pyetur rreth disa deklaratave që Rama ka bërë në Vlorë.
Mirëpo përgjigjja e Kryemadhit duhet thënë se ishte krejtësisht e papritur dhe duhet thënë epike për njërën nga pikat, ndërsa përsa i përket akuzave të tjera, ka ditur që t’i bëjë bisht me lezet.
Pjesë nga debati:
Zheji: Dëgjuam kryeministrin aktual në antimitingun e Vlorës duke ju akuzuar për tre gjëra. Keni blerë vota, keni përdhunuar dhe keni vrarë. Sa vota keni vjedhur, sa keni përdhunuar dhe sa keni vrarë
Kryemadhi: Vetëm po të kem përdhunuar Ilir Metën, duhet ta pyesni atë. E dyta. Rama në Vlorë ishte në panik për mua. Ishte i destablizuar mendërisht edhe pse e kishte stimuluar energjinë dhe zërin e tij. Nuk arrinte dot të menaxhonte dhe tregonte siguri tek nëpunësit e administratës. Asnjë vlonjat, nuk kishte aty. Më bën për të qeshur dhe nuk duhet marrë seriozisht
Artur Zheji: Me votat tuaj është bërë kryetar bashkie, dhe kryeministër
Monika Kryemadhi: Tani ikën ai
Artur Zheji: A ju morën ndërkombëtarët në telefon për të mbyllur protestën
Monika Kryemadhi: Nuk është fare e vërtetë. Ishte vendim sovran dhe i pavarur
