Shqipëria është kthyer në një nga destinacionet më të kërkuara për turistët e huaj. Ajo mirëpriti 6 milionë turistë në vitin 2018 dhe sipas të dhënave të INSTAT, ata shpenzuan mesatarisht 52 euro në ditë.
Në bazë të raportit janë turistët italianë ata që kanë pushime më “të gjata” në Shqipëri, me 6.8 ditë qëndrimi, si dhe njëherësh edhe shpenzimet më të larta ditore me 81 euro për person.
Shtetasit nga Mali i Zi apo nga Greqia kanë mesataren e netëve të qëndrimit 3.7 dhe 3.6 ditë, ndërsa shpenzojnë mesatarisht 60 dhe 59 euro për person në ditë.
Shqiptarët nga Kosova kanë një mesatare qëndrimi prej 3.8 ditë dhe shpenzojnë 43 euro për person, kurse maqedonasit qëndrojnë 3.9 ditë mesatarisht duke shpenzuar 46 euro për person në ditë.
Burimi: Monitor
