Në Shqipëri kanë ardhur që prej janarit dozat e para të vaksinave anti COVID, por në asnjë moment nuk është bërë publik çmimi i tyre apo çmimet në kontratat që thuhet se janë nënshkruar. Deputeti Ralf Gjoni ka zbuluar ditën e sotme çmimin e një doze të vaksinës Astra Zeneca, që është 7 euro. Ai ka thënë se me 20 milion eurot që do përdoren për të blerë pajise për identifikimin e shenjës së gishtit, mund të përdoren për 7 milionë doza të kësaj vaksine. E njejta sasi mund të përdoret për 1.6 milionë doza nga Pfizer ose 2.8 milionë doza nga Johnson&Johnson, ndërkohë Shqipëria ka paguar 4 milionë dollar te COVAX për vetëm 141 mijë doza të AstraZeneca që do të thotë se një dozë është blerë me 24 euro.
“Me 20 milion euro që ju doni të blini për të identifikuar gishtat e shqiptareve, për hir të kompanisë së Lulzim, mund të kishim blerë 7 milion doza të vaksinës AstraZeneca, 3 euro për dozë. Kaq është kostoja, po marr koston maksimale. Mund të kishim blerë 1.6 milion doza të kompanisë Pfizer, mund të kishim blerë 2.8 milion doza nga Jonhnson & Johnson që sapo është aprovuar nga SHBA. Ndërkohë çfarë ndodh i japim 4 milion dollarë COVAX për 141 mijë doza nga AstraZeneca, kjo është çmenduri. I bie që në nëse nuk gabohem, nëse do marrim 140 mijë doza. I bie që po e blejmë dozën me 24 euro për dozë, nëse kaq është totali. Pra ju po më konfirmoni që vendet e tjera e blejnë me 2 euro ndërsa ne me 24 euro. Në treg do kishim mundur të blenim më shumë dhe t’i dhuronin dhe Kosovës”, ka thënë deputeti.
Sasia e vaksianve të mbërritura në vendin tonë është aq e ulët sa nuk plotëson as 1% të popullsisë dhe me këto ritme do të duheshin mijëra ditë për të përfunduar vaksinimin e një pjese të vogël, me sasinë e dozave të administruara cdo ditë.
