Një nga deputetet më të përfolura ka qenë padyshim edhe vajza e Azem Hajdarit, Rudina Hajdari e cila më në fund ka bërë publik vendimin e saj nëse do të djeg ose jo mandatin e deputetes.
Për Zërin e Amerikës, Hajdari ka thënë se ajo nuk do ta dorëzojë mandatin e deputetes dhe ka për të vazhduar misionin e saj në Parlament, pasi sipas saj aty përfaqësohet sovrani.
“Parlamenti i jep oksigjen demokracisë në vend, i jep oksigjen partive politike. Është vendi ku ne përfaqësojmë sovranin, prandaj duke marrë parasysh që kjo është një përgjegjshmëri e lartë që ndjej mbi shpatulla, mendoj se qëndrimi në parlament është vendimi i duhur që i shërben të ardhmes së Shqipërisë”- tha Hajdari.
https://www.facebook.com/zeriamerikes/videos/807006023009946/
Rudina Hajdari është deputetja e dytë në listën e PD-së, pas deputetit Myslym Murrizi, që nuk pranon të djegë mandatin. Sipas deklaratave të bëra nga deputetët e PD-së, thuhet se nëse Hajdari nuk do hiqte dorë nga mandati do të përjashtohej nga partia. Megjithatë deri tani nuk kemi asnjë deklaratë zyrtare që mund të na i konfirmojë këto thënie.
