Situata në kampin e djathtë nuk është aspak e mirë, pas përplasjeve mes Rudina Hajdarit dhe Korab Litës, për postin e kreut të Grupit Parlamentar Demokrat.
Lita pretendon se Hajdari ka deklaruar dorëheqjen verbalisht, ndërsa vetë deputetja shprehet se ndaj saj është organizuar një komplot.
Ditën e sotme ajo ka lëshuar akuza të forta ndaj kreut të PD, Lulzim Bashës, shkruan “Dosja.al”.
Sipas Hajdarit, Basha po përdor Korab Litën, Alban Zenelin dhe Arben Elezin, për të sabotuar reformën zgjedhore.
Sipas saj, Rama dhe Basha nuk i duan listat e hapura dhe ndryshimin e sistemit dhe e gjithë kjo situatë do të përdoret për të shmangur vëmendjen nga hapja e negociatave.
Ndër të tjera Hajdari shton se është dorëzuar në mënyrë të padrejtë edhe një shkresë, ku thuhet se ajo ka dhënë dorëheqjen.
Fjala e Hajdarit:
“Basha po tenton të sabotojë Reformën Zgjedhore. Në sot duhet të merreshim me hapjen e negociata, por tre persona qe ka për qëllim që të sabotojë Reformën Zgjedhore dhe këtu dalim tek Lulzim Basha. Tentativë që të spostohet roli im. Ju e dini shumë si gazetarë që opozita që ndodhet në parlament ka një mbështetje të madhe nga ndërkombëtarët. Ju kujtoj këtu që këta persona që kërkojnë spotimin tim janë 3 persona që nuk kanë dhënë asnjë kontribut në parlament. Kjo ishte një tentative e mirëprogramuar për të më larguar mua. Janë Korab Lita, Alban Zeneli dhe Arben Elezi. Këta nuk kanë tentuar për ta shkatërruar opozitën. Këta nuk e duan ndryshimin e sistemit, dhe këta janë Rama dhe Basha. Ata nuk i duan listat e hapura, se nuk do të dalin ata servilë që rrinë pra kryetarëve. E gjithë kjo shmang vëmendjen nga hapja apo jo e negociatave. Tani duhet të fokusohemi dhe të ecim para me ndihëm e ndërkombëtarëve. Ata duan të më heqin mua. Nëse nuk do të kishte opozitë parlamentare, ata do të ishin duke bërë marrëveshjen.E kundërta, do të forcohemi akoma më shumë, kemi një qëllim të vetëm për ndryshimin e sistemit.
Sapo ka dorëzuar një shkresë e cila rendit të gjitha pikat dhe problematikat. Është marrë në mënyrë të padrejtë. Është thënë që Rudina ka dhënë dorëheqjen. U thashë ta mendojmë me qetësi dhe t’i japim pak kohë vetes. Por nuk mund të më thuhet mua sepse është pikërisht kjo lloj akuze që u bëhet grave: Se ndoshta u lodhe duke bërë gjithë këto punë! Jo, unë e bëj me qejf këtë dhe mua ma kanë propozuar të tjerë këtë gjë. Grupi do të zgjerohet dhe do të konsolidohet akoma më shumë.
Këtë mentalitetin që Basha më futi në listë apo më hoqi nga lista. Ne nuk u kemi borxh kryetarëve tanë që na futën në lista. Unë për këtë po luftoj që të ndryshohet sistemi dhe ta shohim a kam unë të drejtë apo jo. Alban Zeneli, Korab Lita dhe Arben Zeneli nuk vinin as në mbledhjet e grupit pasi kanë pasur qëllime të qarta për të shkatërruar grupin.”
Tashmë nuk ka asnjë dyshim, se opozita në parlament është përçarë. Pak ditë më parë u dha lajmi se Grupi Demokrat kishte votuar Korab Litën si kryetar të ri, ndërsa Hajdari e kundërshtoi me forcë, duke thënë se ishe ende ajo në krye të Grupit të Demokratëve.
