Kompania farmaceutike gjermane, BioNTech, ka deklaruar se do të rrisë prodhimin e vaksinës anti-covid, për të kompensuar faktin se pak vaksina të tjera janë miratuar për përdorim.
Kompania BioNTech zhvilloi vaksinën e saj në partneritet me firmën amerikane Pfizer.
Vaksina u miratua nga Bashkimi Evropian në fund të muajit të kaluar dhe është po ashtu në përdorim në Britani, Kanada dhe Shtetet e Bashkuara.
Bashkëthemeluesit e tjerë të BioNTech, çifti Sahin dhe Ozlem Turec, deklaruan për Der Spiegel se BE ka supozuar se do të kishte “një shportë me furnizues të ndryshëm” të vaksinave.
Çifti deklaroi se: Në një moment, është bërë e qartë se shumë nuk do të jenë në gjendje të bëjnë furnizime të shpejta.
BioNTechpo planifikon që të hapë një strukturë të re prodhimi në Marburg të Gjermanisë, muajin e ardhshëm, që do t’i mundësojë kompanisë të prodhojë 250 milionë doza shtesë të vaksinës, në gjysmën e parë të këtij viti.
Ndërkohë kujtojmë se më herët, BioNTech dhe Pfizer kanë planifikuar prodhimin e 1.3 miliard dozave të vaksinës në vitin 2021 – të mjaftueshme për të vaksinuar 650 milionë njerëz.
Kujtojmë se edhe Anglia miratoi vaksinën ndaj koronavirus Covid-19 të prodhuar nga kompania farmaceutike me bazë në Gjermani “BioNTech” dhe partnerit të saj amerikan, Pfizer./Gazetareforma.com/
