Një ngjarje e rëndë ka ndodhur ditën e sotme në Maqedoni ku një aeroplan i vogël është rrëzuar duke marrë edhe jetë njerëzish.
Nga njoftimet e para të mediave lokale mësohet se avioni është rrëzuar në lokalitetin “Koka e Selanikut” në malin e Jakupicës.
Sipas policisë, në aeroplan kanë qenë duke udhëtuar një familje e tërë, prej nga asnjë prej tyre nuk ka arritur të mbijetojë.
Në përplasje deri tani mësohet të kenë ndërruar jetë një çift bashkëshortësh dhe dy fëmijët e tyre.
Aeroplani ka qenë me regjistrim gjerman dhe po udhëtonte nga Ohri drejt Sofjes. Mbetjet e tij janë gjetur në malet e Jakupicës, ndërsa MPB pritet të dal me detaje.
Nga ajo që mësohet arsyeja pse ka ndodhur kjo fatkeqësi ka qenë moti i keq dhe turbulencat.
