Altin Hajri është i arrestuar pasi akuzohet për vrasjen e Jani Prengës.
Së fundmi, bashkëshortja e tij ka rrëfyer detaje të reja rreth tij.
Ajo ka treguar se ai sapo ishte kthyer nga Holanda.
Sipas Shqiptarja.com, V.H. u ka thënë oficerëve të policisë se Altini kishte ardhur në Shqipëri një ditë para ndërrimit të viteve dhe sapo kishte dalë nga burgu në Holandë.
Më tej, V.H. ka treguar se pronat i përkasin të gjithë familjes jo vetëm bashkëshortit të saj, por mohoi të dinte se kush kishte përgjegjësi për to.
Po ashtu, ajo u shpreh se nuk dinte se me çfarë merrej burri i saj.
Altin Hajri, pronari i kompleksit ‘Golden’ në Shijak ku vdiq Jan Prenga, mendohet se ka qenë thjeshtë në shërbim të grupit që donte të ekzekutonte Prengën.
Për më shumë se një dekadë e gjysmë, Altin Hjari ka qenë një nga ‘Boss’-ët më të njohur të trafikut të heroinës afgane nga Shqipëria në drejtim të Italisë.
