Qeveria shqiptare ka miratuar me anë të një akti normativ vendimin për zgjatjen e afatit të rivlerësimit të banesave deri në datën 30 prill 2022.
Në njoftimin e bërë thuhet se nga ky vendim kanë një avantazh qytetarët pasi iu jepet kohë që të kryer pagesat e caktuara deri më 31 korrik 2022.
Vendimi i Plotë nga Këshilli i Ministrave:
Sot Qeveria Shqiptare përmes një akti normativ, zgjati afatin e procesit të rivlerësimit të banesave deri në 30 prill 2022.
Kjo zgjatje afati ka edhe një risi në favor të qytetarëve.
Ligji bazë dhe shtyrja e bërë vjet, parashikonin që ditën që mbyllej afati i aplikimeve mbyllej edhe afati i pagesave.
Me shtesën e fundit, afati i aplikimeve mbyllet më 30 prill, ndërsa afati i pagesave zgjatet më tej deri më 31 korrik 2022.
Për vitin 2020 u kryen 29.450 rivlerësime.
Për vitin 2021 u kryen 31.500 rivlerësime (pa dhjetorin).
Pra publiku e ka ndjekur procesin dhe është ndërgjegjësuar për të
mirat dhe përfitimet e tij.
Tjetër arsye e shtimit të aplikimeve është edhe mbarëvajtja e procesit të legalizimeve.
Vetëm legalizime për vitin 2021 janë rreth 23.000 familje, të cilat janë kontigjent shtesë që futen në procesin e rivlerësimit.
Për periudhën e fundvitit ju drejtohemi qytetarëve të ulim fluksin e aplikimeve në e-albania, për t’u dhënë mundësi emigrantëve të ardhur për festat e fundvitit të kryejnë procedura pranë nesh.
