Artistë dhe aktivistë kanë rivendosur sot shkronjat te Teatri Kombëtar. Siç ishte paralajmëruar, pasditen kësaj të marte artistët që prej kohësh protestojnë kundër prishjes së teatrit kanë shkuar aty për të rivendosur shkronjat e hequra natën e 25 prillit.
Kur kanë kaluar rreth 2 javë, nga heqja misterioze të gërmave, artistët dhe Aleanca për Teatrin, bashkë me qytetarë dhe aktivistë kanë organizuar rivendosjen e gërmave, e cila u duartrokit nga qytetarët e shumtë që ishin mbledhur. Por fillimisht ata janë përballur me policinë private që ka në ruajtje godinën, duke mos u lejuar që t’i afrohen asaj. Në mbështetje të artistëve kanë qenë edhe eksponentë të Partisë Demokratike.
Aktivistët që prej kohësh po protestojnë kundër shembjes së godinës së Teatrit Kombëtar, kanë ngritur edhe një kallëzim penal për këtë çështje, duke akuzuar Bashkinë e Tiranës, Policinë e Shtetit, Ministrinë e Kulturës dhe drejtorin e Teatrit Kombëtar.
