Në një kohë kur rastet me Covid kanë ardhur në rënie, ditën e nesërme Komiteti Teknik i Ekspertëve do të mblidhet për të vendosur në lidhje me masat kufizuese të Covid-19. Kreu i Urgjencës Kombëtare, Skënder Brataj ka folur në lidhje me këtë çështje në emisionin “Open”, ndërsa e konsideron gabim fatal nëse masat hiqen menjëherë. Brataj tha se gabim do të ishte heqja e maskave, ndërsa për moshat e vjetra tha se mbajtja e maskës është kthyer tashmë në kulturë. Kreu i Urgjencës tha se ora policore duhet të zgjatet, ndërsa u shpreh se nuk do të ishte dakord që të hiqej plotësisht. Kjo sipas tij, sepse sjell frekuentim të bareve nga të rinjtë dhe rrjedhimisht përhapjen e virusit tek të tjerët.
“Masat do te hiqen në mënyrë graduale se ndryshe do të ishte gabim fatal. Po të ishte për mua, do të ishte heqja e maskës. Moshat e vjetra nuk e heqin maskën sepse është kthyer në kulturë. Edhe orën policore do të duhet ta zgjasim. Për ta hequr fare nuk do të isha dakord. Ora e darkës dhe lokalet e natës na solli përhapje tek prindërit e adoleshentëve. Në atë orë rinia mblidhet, shkon kundër disa biznesve. Do të zgjaset por nuk do të hiqet komplet“, tha Brataj.
