Ditën e sotme është bërë me dije se në Lushnje janë regjistruar katër raste të reja me koronavirus.
Ministria e Shëndetësisë raportoi dje se numri i rasteve brenda 24 orëve ishin 26 e ndërsa sot raste të reja janë identifikuar në Lushnje.
Kjo ka bërë që pandemia të rikthehet në qytet, ndërsa bëhet e ditur se rastet e reja janë në dy familje që kanë pasur kontakte me persona të tjerë në Tiranë.
Deri ditën e djeshme, qytetet e tjera të vendit nuk regjistruan raste të reja të të infektuarve duke rritur kështu optimizmin, por si duket pandemia ka filluar të rikthehet edhe në zona të tjera.
Tirana vijon me një numër të konsiderueshëm rastesh në total të cilat janë shtuar veçanërisht pas infektimit të repartit të sëmundjeve të brendshme në QSUT, ku një numër i madh i personelit mjekësor, dhe i pacientëve të shtruar kanë rezultuar pozitiv.
Deri në këto momente numri total i të prekurve nga koronavirusi në Shqipëri ka shkuar në 1080, ndërsa numri i viktimave në 33.
