Epidemiologët në terren kanë zbuluar 9 raste të reja me të prekur nga COVID-19 në Vlorë. Këto 9 raste vijnë nga kontakti me rastet e konfirmuara më parë.
Kujtojmë se rasti i parë i valës së dytë pas marsit u konfirmua më 11 qershor kur një qytetar kishte patur kontakte me një të infektuar nga Tirana.
Kjo ka rikthyer edhe njëherë frikën e madhe te qytetarët vlonjatë, por jo vetëm.
Në ditën e djeshme u vendos rekordi i ri në vendin tonë me 48 të infektuar nga COVID-19, një numër i ri ky dhe shqetësues për epidemiologët dhe vetë qytetarët.
Shpërndarja e rasteve të reja është si vijon: 24 raste në Tiranë, 8 në Krujë, 4 në Durrës, 3 në Fier, 2 Lezhë, 2 Pukë, 3 Kamëz, 1 Gjirokastër, 1 Elbasan.
Ditët e fundit është vënë re rritje e numrit të rasteve në disa aktivitete biznesi, në institucione të ndryshme, në pjesëmarrje në ceremoni mortore dhe grumbullime.
