Tashmë prej ditësh kryefjala janë protestat e banorëve të Unazës së Re dhe mbështetja që qytetarët i kanë bërë asaj, gjë që çoi në hulumtimin e kompanisë “DH Albania” që kishte marrë përsipër ndërtimin e këtij segmenti. Tani ndodhemi në situatën që kompania ka falsifikuar dhe mashtruar, ndërsa ARRSH e ka kallëzuar penalisht dhe ditën e sotme ka rihapur procedurën e prokurimit që ka në objekt rehabilitimin e segmentit rrugor mbikalimi i pallatit me shigjeta rreth rrotullimi Shqiponja Loti 1.
Njëkohësiht e rëndësishme për t’u përmenduar është që Operatori i Sistemit të Transmetimit dhe Autoriteti Rrugor Shqiptar kanë nisur zyrtarisht edhe procedurat për të konfiskuar sigurimin e të dy kontratave që kompani DH Albania kishte, si për rehabilitimin e Unazës së Re ashtu edhe për linjën e transmetimi Burrel-Peshkopi.
Institucionet përkatëse përmes një shkrese që mban datën 11 dhjetor, të drejtuar zyrtarisht kompanisë Sigma Interalbania, i ka kërkuar konfiskimin e shumës prej 144.7 milionë lekë që DH Albania ka depozituar për sigurimin e kontratës në tenderin e linjës së transemtimit Burrel-Peshkopi.
Ndërsa Autoriteti Rrugor i është drejtuar bashkarisht kompanisë Sigma Interalbania dhe Sigal Unika Grup, pasi për shkak të vlerës më të madhe në tenderin e unazës, sigurimi i ofertës prej 269.5 milionë lekësh ka qenë i ndarë në dy kompani.
Sipas Monitor.al, në total, garancia financiare që DH Albania ka qenë e detyruar të depozitojë për të dy tenderat është 414.2 milionë lekë ose rreth 3.4 milionë euro. OST dhe ARRSH janë të bindura se sigurimi i kontratave do të konfiskohet plotësisht, por në të kaluarën ka patur disa raste kur pas mashtrimit në tendera nuk është arritur të konfiskohet as garancia financiare si në rastin e Albpetrol.
Kontratat e lotit të parë të Unazës së Re dhe linjës elektrike Burrel-Peshkopi u zgjidhën në mënyrë të njënashme nga shteti kur u publikua skandali i Dunëell Haberman, kompania mëmë e DH Albanias, kishte falsifikuar dokumentat dhe bilancet për të fituar dy tenderat me vlerë totale 30 milionë euro.
Skandali i mashtrimit ka vënë në lëvizje dhe autoritetet amerikane. Departamenti i Shtetit në Delaëare iu përgjigj Top Channel se menjehërë pasi u njoh skemën e mashtrimit ia ka përcjellë të gjitha dokumentat Departamentit të Drejtësisë për hetime të mëtejshme dhe tani çështja është në dorën e hetuesve amerikanë.
