Reshjet e dendura të shiut kanë shkaktuar probleme të mëdha me përmbytjet në të gjithë vendin. Përmbytjet kanë prekur edhe segmentin Poshnje-Kutalli të aksit nacional Berat-Fier. Në rrugë ka pasur një prezencë të madhe të ujit gjë që ka sjellë vështirësi në qarkullim prej thuajse një ore. Gjithashtu në fshatin poshnje uji është shtuar duke krijuar lumenj të vegjël në disa pjesë për shkak edhe të gropave të shumta që ka ky segment nacional.
Qarkullimi është bllokuar prej 15 minutash edhe në zonën e fshatit Velmish, në kufi me Fierin, ku ka prezencë të shtuar uji dhe aksi nacional është i përmbytur. Kjo rrugë është e gjitha e amortizuar dhe nuk ka as kanale kulluese dhe as barriera mbrojtëse, duke përbërë kështu një rrezik serioz dhe njëkohësish burim aksidentesh për automjetet që janë duke qarkulluar. Balkan Web ka publikuar një video ku duken qartë akset e përmbytura dhe shkruan se burime nga bashkia e Urës-Vajgurore kanë deklaruar uji po hiqet nga rruga nga punonjësit e bashkisë.
Në reagim bashkia ka thënë se do të duhen të paktën 30 minuta për e kanaleve drenazhuese të rrugës dhe më pas tërheqjen e ujit nga ky aks nacional dhe deri atëherë mjetet do duhet të vijojnë të presin apo të marrin përsipër riskun e kalimit në ujë.
