Reshjet e borës sjellin probleme në Llogara, makinat të bllokuara prej 3 orësh

Rikthehen ngricat dhe temperaturat në vend, kryesisht në veri dhe në jug.  Kësaj here probleme janë hasur nw Llogara, ku është hasur vështirësi lëvizjeje.  Prej tre orësh vijon të jetë i bllokuar aksi rrugor Dukat Qafa e Llogarasë për shkak të rreshjeve të borës.

Automjete të shumta kanë ngelur të bllokuara në rrugë duke krijuar edhe trafik. Prej më shumë se katër kilometër ky aks rrugor është i pakalueshëm nga prania e dëborës në rrugë si dhe pas ditës së verës (dje) moti i përkeqësuar i ka gjetur të papërgatitur drejtuesit e automjeteve të cilët kanë lëvizur pa zinxhirë.

Ndërkohë borëpastruesit nuk mund të ndërhyjnë dot pasi rruga ëshë e bllokuar prej trafikut të krijuar nga makinat.

Tre ditë më parë mot i ngjashëm ishte dhe në veri. Dibra u zbardh e gjitha, ndërsa rrugët që lidhin Peshkopinë me Kukësin dhe me Librazhdin kaloheshin me zinxhirë për shkak të trashësisë së borës.

Në zona të thella reshjet e borës nisën që në orët e para të mëngjesit dhe për pasojë trashësia kaloi 25 cm.

Ndërkohë rruga nacionale Peshkopi-Tiranë u monitoruan nga firma kontraktore e cila ka në dispozicion 6 mjete borëpastruese dhe 3 fadroma në gatishmëri.

Për shkak të situatës problematike në akset veriore, katër automjete u përplasën në rrugën nacionale Klos- Bulqizë.

Aksidenti ndodhi në afërsi të vendit të quajtur “Qafë Dushk” për shkak të ngricës në rrugë që u krijua nga reshjet e dëborës.  Mësohet se nga aksidenti nuk pati të lënduar në njerëz, por vetëm dëme materiale.