Katër njerëz vdiqën në Spanjë ndërsa stuhia Filomena shkaktoi kaos udhëtimesh në të gjithë vendin, duke mbuluar Madridin në reshjet më të mëdha të borës në dekada dhe duke i detyruar autoritetet të mobilizojnë trupat për të shpëtuar shoferët e bllokuar. Shërbimet e shpëtimit arritën në 1,500 njerëz të bllokuar në makina, ndërsa skiatorët rrëshqitnin poshtë Gran Via, normalisht një nga rrugët më të ngarkuara në kryeqytet.
Një burrë dhe grua që po udhëtonin në një makinë u mbytën pasi një lumë shpërtheu brigjet e tij afër Malagës, në Spanjën jugore dhe dy njerëz të pastrehë ngrinë për vdekje, njëri në Madrid dhe tjetri në qytetin lindor të Calatayud, thanë autoritetet.
Duke iu përgjigjur ngjarjeve, Mbreti Felipe VI dhe Mbretëresha Letizia postuan në Twitter: “Familja mbretërore do të dëshironte të shprehte hidhërimin e saj për viktimat e stuhisë … dhe të kërkonte një kujdes ekstrem ndaj rreziqeve të akumulimit të akullit dhe borës.”
Ministri i Brendshëm Fernando Grande-Marlaska u bëri thirrje dpanjollëve të shmangin të gjitha udhëtimet përveç atyre thelbësore. “Ne po përballemi me stuhinë më të fortë në 50 vitet e fundit,” tha ai.
Më shumë se 650 rrugë u bllokuan nga bora, tha Grande-Marlaska, duke lënë disa shoferë të mbërthyer në makinat e tyre nga e premtja në mbrëmje deri të shtunën. Patricia Manzanares, e bllokuar në makinën e saj në autostradën M-40 në Madrid që nga ora 7 e pasdites. të premten, i tha televizionit RTVE: “Unë kam ngecur këtu pa ujë ose ndonjë ndihmë tjetër”.
Aena, e cila kontrollon aeroportet e vendit, tha se aeroporti i Madridit Barajas, i cili u mbyll të Premten mbrëma, do të qëndronte i mbyllur për pjesën tjetër të së Shtunës. Ai tha se të paktën 50 fluturime në Madrid, Malaga, Tenerife dhe Ceuta, një territor spanjoll në Afrikën e Veriut, ishin anuluar.
Agjencia Shtetërore Meteorologjike tha se ishte reshja më e madhe e borës në Madrid që nga viti 1971, ndërsa José Miguel Viñas, një meteorolog nga Radio Kombëtare Spanjolle, tha se trashësia e borës ishte midis 25 cm dhe 50 cm (10-20 inç) dhe sipas tij kjo është reshja më e madhe e borës që nga viti 1963.
Loja e Atletico Madrid kundër Athletic Bilbao, e planifikuar për të filluar sot u shty, tha La Liga në një deklaratë.
