Ditën e sotme u raportua se deputeti Adriatik Alimadhi dhe gruaja e tij ishin infektuar nga COVID-19, teksa deputeti ka postuar një foto nga shtrati, ndërsa tregon se autoritetet nuk janë interesuar më për gjendjen e tij dhe të bashkëshortes, që pas përgjigjes së analizave.
Së fundmi, raportohet se gjendja shëndetësore e deputetit Alimadhi është rënduar dhe sipas informacioneve mësohet se është dërguar sot pasdite me urgjencë tek Infektivi, ku do të vijojë dhe kurimin për COVID-19.
Deri tani nuk dihet ende gjendja e tij, teksa pritet një reagim nga autoritetet shëndetësore.
Në vendin tonë ka shkuar në 186 numri i të prekurve nga COVID-19, teksa gjatë orëve të fundit janë testuar 102 persona, 12 prej të cilëve kanë rezultuar pozitivë, ndërsa në total janë kryer 1,246 teste.
Tek spitali Infektiv janë shtruar 77 persona, 5 prej të cilëve ndodhen në terapi intensive, ndërsa pjesa tjetër ndodhet në pavion dhe paraqesin gjendje të stabilizuar shëndetësore e në total janë 31 të shëruar, mes të cilëve një mjek dhe një infermiere.
