Më herët mbrëmjen e sotme u raportua se një aksident në kryqëzimin e Borizanit në Fushë-Krujë, ka rezultuar fatal për 3 të rinj që kanë humbur jetën, teksa një tjetër ndodhet në gjendje të rëndë.
Ata po udhëtonin me një automjet tip ‘Audi’ me targa AA 848 ZZ dhe janë përplasur nga një kamion me targa Kosove dhe sipas informacioneve paraprake bëhet me dije se shkak për ngjarjen e rëndë është bërë shpejtësia e madhe me të cilën po udhëtonin të rinjt.
Fatkeqësisht, bilanci i aksidentit tashmë është thelluar pasi edhe i plagosuri ka ndërruar jetë, pasi nuk u ka rezistuar dot plagëve të marra.
Nga ana tjetër kujtojmë se 4 të rinjtë kanë shkelur ‘shtetrrethimin’ e vendosur nga qeveria për shkak të ndalimit të përhapjes së COVID-19.
Policia dhe grupi hetimor kanë mbërritur në vendngjarje ku po hetojnë për zbardhjen e plotë të shkaqeve të aksidentit.
