Koronavirusi vijon të marrë jetë dhe ditën e sotme janë shënuar dy viktima.
AbcNews ka mësuar se viktimat janë një burrë dhe një grua nga Elbasani të cilët ishin shtruar prej ditësh në një nga spitalet Covid në Tiranë.
Ende nuk ka një informacion zyrtar nga ana e Ministrisë së Shëndetësisë për moshën dhe shkaqet e vdekjes së tyre, nëse kanë patur sëmundje bashkëshoqëruese.
Kujtojmë gjatë 24 orëve të fundit janë konstatuar 152 raste të reja me koronavirus nga 864 testime të kryera, ku numri më i madh është në Tiranë me 73 raste.Raportohet se gjatë 24 orëve të fundit kanë ndërruar jetë 2 persona, duke e çuar në 240 numrin total të jetëve të humbura nga Covid-19.Betejën me koronavirusin e kanë humbur një pacient 61 vjeçar nga Korça dhe një 83 vjeçar nga Mirdita me sëmundje bashkëshoqëruese.
