“Ndaj Francës duhet të jemi agresivë në markim dhe të shpejtë në daljet përpara”.
Trajneri Edy Reja nuk u fsheh në konferencën për shtyp, përpara eleminatores së rradhës në Paris.
Italiani shpreson në një rezultat pozitiv dhe për këtë i kërkon skuadrës të mos gabojë dhe të mos lejojë asnjë hapësirë në prapavijë.
Sa ju përket vendasve, trajneri kuqezi vlerësoi se kolegu Deschamps, të cilin e njeh nga koha e Serie B, nuk do të futet në aventurë.
Për t’ju rezistuar vendasve me Griezmann në krye, Reja ka nevojë jo vetëm për Hysajn por për një ekip të plotë, kompakt dhe agresiv për ta marrë topin e parë sa më shpejt.
73 vjeçari që nuk e ka rinovuar ende kontratën me kombëtaren shqiptare, nuk e sheh me sy të mirë faktin që Deschamps ka njohuritë e duhura për miqtë e 24 orëve më pas.
Për italianin, sa më pak të dinë për ty, aq më mirë është.
Franca kryeson grupin H me 9 pikë pas 3 fitoreve dhe 1 humbjeje, 3 pikë më shumë se Shqipëria e vendit të 4-t.
Ndeshja e kthimit mes tyre do të zhvillohet në datën 17 nëntor në Tiranë.
