Kryeministri Edi Rama ka folur mbrëmjen e sotme rreth Reformës Zgjedhore, e cila ka mbetur pezull pasi një çështje mbetet ende e pazgjidhur.
I ftuar në “Opinion”, Rama tha se mazhoranca e ka mbyllur këtë proces dhe ka bërë aq sa i takon.
Megjithatë, kreu i qeverisë u tregua skeptik sa i takon aplikimi të teknologjisë në zgjidhje, duke u shprehur se kërkon kohë dhe se donin që zgjedhjet lokale të përdoreshin si pilot.
“U tha qartë nga Ambasadorja, topi është fushën e PD dhe përsa na takon e kemi mbyllur këtë proces. Kemi bërë të gjitha koncesionet e arsyeshme dhe mendoj që kemi në dorë një produkt të mirë. Le të themi se nëse do t’i qëndronim strik kornizës së OSBE, nuk do ta konsideronim fare teknologjinë. Përsa në takon kemi bërë një studim me dëshirën për ta adresuar këtë problem që alibia e elekretonikës të binte. Nuk është diçka e pabëshme. Problemi është që kërkon kohë. Unë jam pesimist. ODHIR nuk e inkurajon, por sugjeron që të mos shkojë përnjëherë. Ne donim që zgjedhjet lokale të përdoreshin si pilot. Ne kemi humbur shumë kohë sepse nuk bëhen rregullat e lojës me molotov. Koha është e shkurtër. Kemi bërë edhe stimulimin e PS-së dhe ajo që kemi marrë nga të gjitha analizat me kompanitë që e bëjnë, është se nga momenti i nënshkrimit të kontratës kemi minimumi 6 muaj. Do marri korrikun, do të duhet një kohë për termat e referencës. Ka një periudhë ankimimi. Ne hyjmë në vitin e ri zgjedhor në kushtet kur bëjmë kontratën. Jemi në pamundësi objektive.”
https://www.facebook.com/edirama.al/videos/267726717896037/
Ambasadorja amerikane Yuri Kim tha dje se topi tashmë është në fushën e Bashës dhe pritet vetëm vendimi i tij për të arritur konsensusin në Këshillin Politik dhe për finalizimin e Reformës Zgjedhore.
Nga ana tjetër, kryedemokrati deklaroi menjëherë pas Kim se vetëm një çështje ka mbetur pa u zgjidhur, depolitizimi i administratës zgjedhore.
Palët politike shkelën më 31 maj afatin e vetëdakordësuar dhe prej 4 ditësh janë 3 ambasadorët, Yuri Kim, Duncan Norman dhe Luigi Soreca që po tentojnë të bindin palët për një marrëveshje.
