Ministri i Drejtësisë, Ulsi Manja në konferencën me titull” “Roli i Institucioneve Vetëqeverisëse të Drejtësisë”, ka folur për Reformën në Drejtësi dhe luftën kundër pandëshkueshmërisë.
Manja gjatë fjalës së mbajtur në konferencë ka theksuar ndër të tjera se Reforma në Drejtësi po jep frytet e para. Gjithashtu më tej ai ka shtuar se qeveria është e angazhuar ta çoj përpara këtë reformë.
“Vetingu tregoi se sa i nevojshëm ishte. Reforma po jep frytet, ajo është një model unik në vendet e rajonit.”, ka thënë Ulsi Manja.
Manja ka njoftuar se do të miratohet harta e re gjyqësore si dhe do të rritet numri i pranimit në shkollën e magjistraturës, si e vetmja rrugë për plotësimin e vakancave.
“Shteti i së drejtës ishte i kapur peng nga korrupsioni. Vettingu filtroi dhe nxori nga sistemi një numër të lartë gjyqtarësh dhe prokurorësh. Reforma ishte e nevojshme dhe po jep rezultate. Ndërsa tani, le të flasim për rezultate konkrete, sepse sistemi i mëparshëm i drejtësisë promovonte padrejtësinë dhe modelin e pandëshkueshmërisë. Reforma në Drejtësi po jep rezultate dhe qeveria e re është e vendosur ta çojë përpara. Vetingu tregoi se sa i nevojshëm ishte. Reforma po jep frytet, ajo është një model unik në vendet e rajonit.
Vetingu u certifikua edhe nga Gjykata e Strasburgut. Do miratojmë hartën e re gjyqësore dhe do të rrisim numrin e pranimit në shkollën e magjistraturës si e vetmja rrugë për plotësimin e vakancave”, tha ministri i Drejtësisë Ulsi Manja.
