Në atë që besohet të jetë hera e parë në botë, dy persona në Brazil kanë pësuar një infektim të dyfishtë. E thënë ndryshme, ata janë mbartës të dy llojeve të ndryshme të virusit, në të njëjtën kohë. Zbulimi u bë i mundur pas marrjes nën vëzhgim të 90 personave të infektuar në Grande do Sul, në Brazilin jugor.
U vu re se një prej pacientëve rezultonte pozitiv edhe ndaj mutacionit P.1, por dhe atij P.2. Veçanërisht varianti P.1 ka shkaktuar alarm ndërkombëtar, për shkak se dyshohet se është tepër rezistent ndaj vaksinave, çka e ka detyruar Britaninë apo edhe vendet e tjera që të ndalojë fluturimet me Amerikën e Jugut.
Nga ana tjetër, dikush doli pozitiv ndaj llojit P.2 dhe B.1.91, i cili u shfaq për herë të parë në Suedi. Udhëheqesi i këtij studimi shkencor, Fernando Spilki shprehet i shqetësuar rreth rasteve në fjalë duke thënë se bashkëpunimi midis llojeve të infeksionit mund të gjenerojë akoma më shpejt lindjen e varianteve të tjera. Po kështu, Dr. John Mccauley, drejtor i Qendrës Botërore të Gripit në institutin Francis Crick në Londër sqaron se është vërtet e mundur që dikush të infektohet nga dy lloje virusi në të njëjtën kohë, gjë që mund të ndodhë me gripin. Mccauleyi paralajmëroi se ndonëse për momentin nuk ka gjasa, është gjithashtu biologjikisht e mundur që të dy llojet mund të ndërthuren me njëri-tjetrin dhe të ndërrojnë kodin gjenetik.
Por nga ana tjetër, një shkencëtar i cili kërkoi të mbetet anonim, tha se ekziston mundësia që shkencëtarët brazilianë të kenë kontaminuar mostrat e tyre gjatë sekuencave, duke çuar në rezultate të pasakta. Brazili është në mesin e një vale të dytë shqetësuese të Covid-it, me më shumë se 1.000 vdekje në ditë.
Çfarë dihet deri sot rreth këtyre varianteve?
B.1.1.7
I shpërndarë në 60 vende të botës, në krye të listës për studiuesit në SHBA është varianti B.1.1.7, parë për herë të parë në Britani. Qendrat e SH.B.A-së për Kontrollin dhe Parandalimin e Sëmundjeve paralajmëruan javën e shkuar se ky virus mund të përkeqësojë përhapjen e pandemisë.
B.1.351
Përgjegjës për infektimin e 23 shteteve, lloji në fjalë u gjet në Afrikën e Jugut. B.1.351 ose 501Y.V2, ka një model tjetër të mutacioneve, që shkakton më shumë ndryshime fizike në strukturën e proteinave të pikës, sesa B.1.1.7. Një mutacion i rëndësishëm, i quajtur E484K, duket se ndikon në fushën e lidhjes së receptorëve – pjesë e rëndësishme për t’u bashkangjitur në qeliza.
P.1 dhe P.2
Dy variante shqetësuese janë parë edhe në Brazil. Njëri, i quajtur P.1., është gjetur në 42% të ekzemplarëve në një sondazh të bërë në qytetin Brazilian të Manaus.
L425R
Një devijim i Covid-it fillestar është hasur edhe në Kaliforni. Ende nuk dihet rreth tij nëse është apo jo më infektues së varianti më i vjetër apo llojet e reja.
/iconstyle.al/
