Kryetari i Komisionit Qendror të Zgjedhjeve, Ilirjan Celibashi i ka bërë thirrje qeverisë dhe opozitës , pas publikimit të raportit të OSBE-ODIHR, për zgjedhjet parlamentare që u mbajtën më 25 prill.
Me anë të një reagimi në rrjetet sociale, Celibashi iu ka bërë thirrje palëve që sa më parë të adresojnë dhe evidentojnë problemet nga raporti.
“Vlerësimet shumë pozitive për administrimin e procesit zgjedhor nga KQZ në raportin përfundimtar OSBE/ODIHR janë shtysë në përmirësimin e mëtejshëm të këtij aspekti. KQZ nxit qeverinë dhe opozitën që vërejtjet dhe rekomandimet e këtij raporti të adresohen sa më parë plotësisht. Konsiderimi i ekspertizës dhe gjetjeve të KQZ-së në ndryshimet e mundshme ligjore është me dobi për procesin e reformës të rekomanduar nga OSBE/ODIHR,”-shkruan ai.
Kujtojmë se OSBE-ODIHR publikoi ditën e djeshme raportin përfundimtar për zgjedhjet, ku nënvizoi të gjitha faktet për ecurinë dhe mbarëvajtjen 25 prillit. Me kritika, raportime dhe rekomandime, OSBE theksoi se zgjedhjet parlamentare ishin përgjithësisht të organizuara mirë nga Administrata Zgjedhore, por qytetarët u vunë nën preson për të votuar për partinë në pushtet. Gjithashtu në raport theksohej se Partia Socialiste keqpërdori fondet publike, shpërndau paratë e rindërtimit pas tërmetit tragjik dhe rriti punësimet në administratë për të përfituar vota. Lidhur me këtë raport pati reagime edhe nga partitë politike dhe krerët e tyre.
