Një 32-vjeçar në Krujë është arrestuar pasi është kapur duke transportuar gjashtë emigrantë të paligjshëm. Shtetasi, 32-vjeçar me iniciale L.H, i tranportonte emigrantët përkundrejt përfitimit ekonomik.
“Në automjetin që po drejtonte ky shtetas ishin pasagjerë 6 emigrantë të paligjshëm, të cilët 32-vjeçari po i ndihmonte, kundrejt fitimit, për të kaluar kufirin në mënyrë të paligjshme, me destinacion final një nga vendet e BE-së”, thuhet në njoftimin e policisë.
Ndërkohë materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
Njoftimi i Plotë:
Krujë
Finalizohet operacioni policor i koduar “Luzi”.
Goditet një rast i dhënies ndihmë për kalim të paligjshëm të kufirit, kundrejt fitimit.
Transportonte 6 emigrantë të paligjshëm, arrestohet në flagrancë 32-vjeçari.
Specialistët për Hetimin e Krimit në Komisariatin e Policisë Krujë, në bashkëpunim me shërbimet e Policisë Rrugore, bazuar në informacionet e marra në rrugë operative se një shtetas po transportonte emigrantë, me qëllim kalimin e paligjshëm të kufirit, organizuan dhe finalizuan operacionin policor të koduar “Luzi”.
Si rezultat i këtij operacioni, në fshatin Luz, Fushë Krujë, u bë e mundur kapja dhe arestimi në flagrancë i shtetasit L. H., 32 vjeç, banues në Tiranë.
Në automjetin që po drejtonte ky shtetas ishin pasagjerë 6 emigrantë të paligjshëm, të cilët 32-vjeçari po i ndihmonte, kundrejt fitimit, për të kaluar kufirin në mënyrë të paligjshme, me destinacion final një nga vendet e BE-së.
Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
