Kryeministri Rama ka ditur si “t’i marrë me të mira” deputetet që tashmë do të largohen nga Partia Socialiste dhe nuk do të kandidojnë më për zgjedhjet e 25 prillit. Në këtë 8 Mars Rama i ka dhuruar lule grave të PS, ndërsa buqtetat më të mëdha janë rëzervuar për Eglantina Gjermenin dhe Vasilika Hysin, që kanë njoftuar largimin. Teksa shpjegonte se pse dy deputetet kishin vendosur të mos kandidonin sërish, Rama nuk ka kursyer edhe batutat për prurjet “e reja në PS”. Ai tha se meqenëse Gjermeni e Hysi donin t’i linin radhë të rejave, ai solli Luljeta Bozon e Najada Çomon që janë brez me i ri.
“Eglantina para ca kohësh 10 muaj erdhi më takoi dhe më tha që dua të jem në rolin e njeriut që këshillon kur ia kërkojnë këshillat dhe mbështet kur ia kërkojnë mbështetjen, por jo të jem në vijën e parë. Pastaj erdhi Vasilika, që tha mu rritën kalamajtë dhe që nga vajza Etilda, që nga vajza Klotilda që nga djali i madh janë gati të marrin stafetën. Prandaj porosita dy tufa më të mëdha për ju të dyja, për tiu falenderuar. U thashë për një tufë që të jetë më e madhe se Vasilika, janë afruar po se kanë arritur. Meqë ju donit që ju donit që t’ua linit stafetën të rinjve dhe të rejave, sollën Luljetën dhe Najadën që janë brezi më i ri”, ka thënë Rama.
