Qeveria shqiptare miratoi një vendim për të shpërblyer financiarisht punonjësit e angazhuar në luftën kundër zjarreve, një hap që vjen vetëm pasi vendi u dogj nga vera e jashtëzakonshme me flakë. Kryeministri Edi Rama dhe ministria e Mbrojtjes u kujtuan të japin bonuse, por investimet që duhej të ishin bërë me kohë munguan.
View this post on Instagram
Në terren u panë zjarrfikës të rraskapitur, banorë që iu dogjën pronat dhe një shtet të zhveshur nga çdo logjistikë serioze. Dy avionët zjarrfikës të premtuar për këtë verë nuk ekzistojnë. Satelitët e reklamuar me miliona euro nuk paralajmëruan asgjë. Në vend të sistemit të parandalimit, mbizotëroi improvizimi. Premtime boshe, të shoqëruara me fushatë elektorale, ndërsa realiteti përballë flakëve ishte katastrofik.
“Me satelitin e parë që do të hedhim në Mars, do të kemi të dhëna në kohë reale… Dronët po e po, por edhe satelitët… kontrolli mbi territorin do të kalojë në nivelin e teknologjisë,” – mburrej Rama. Sot, asnjë efekt. Premtoi edhe avionë zjarrfikës “në dispozicion këtë verë” – as ata nuk u panë.
Në vend që të digjen miliarda nga buxheti në tendera të dyshimtë dhe propagandë boshe, mjaftonte një paketë minimale e arritshme për Shqipërinë, sipas sugjerimit tonë:
2 avionë të përdorur AT-802 Fire Boss, gati në treg.
1 helikopter i mesëm me qira sezonale, me bambi bucket.
10 autobote 4×4 dhe 10 pickup ndërhyrje të shpejtë me depo uji.
300 sete PPE, 200 pompa shpine, 200 radio digjitale për ekipet.
20 dronë me termal dhe 30 kamera termike në pika të larta.
Qendër e vetme dispeçerie me alarme satelitore publike në kohë reale.
10 mijë hektarë pastrim shkurresh dhe rripa zjarri në zonat e kuqe.
6 pilotë të huaj të kontraktuar për sezonin dhe nisje trajnimi për pilotë vendas.
Investim fillestar kushton rreth 8 deri 10 milionë euro për blerje dhe pajisje. Sa i përket kostos vjetore të operimit, rreth 4 deri 5 milionë euro për karburant, mirëmbajtje, qira helikopteri, parandalim dhe pagesa sezonale të ekipeve.
Kaq mjafton për të kapur vatrat brenda orëve të para dhe jo për t’i lënë të shndërrohen në katastrofë kombëtare. Kaq mjafton për të mbrojtur njerëzit dhe pasuritë, jo për të zhdukur buxhetin me premtime mashtruese.
Pse këto fonde nuk u përdorën më parë për të blerë pajisje, helikopterë dhe për të trajnuar zjarrfikësit? Sepse qeveria ka qenë tepër e zënë duke vjedhur.
Shqipëria nuk ka më luksin të presë satelitë imagjinarë dhe avionë fantazmë. Kërkon praktikë, jo propagandë. Dhe kjo verë e dogji përfundimisht mitin e “Shqipërisë digjitale” të Ramës.
