Ditën e sotme kryeministri Rama ndodhet në Shkodër, mirëpo mesa duket kjo vizitë nuk është pritur mirë nga mbështetësit e Partisë Demokratike në qytet.
Ramës me një axhendë të ngjeshur me takime për ditën e sotme, i është bllokuar rruga nga qytetarët dhe kanë nisur të brohorasin kundër tij.
Nga ajo që mësohet protestuesit kanë dalë tek Ura e Bahçallekut për të bllokuar kështu makinën e kryeministrit që të futej në qytet, ndërkohë që një “pritë” tjetër i është ngritur edhe tek ura e Spatharit në Vau Dejës.
Ky bllokim i dytë mbyll të dyja rrugët me të cilët lidhet Shkodëra dhe janë mundësitë e vetme nga mund të futesh në qytet, gjë që ka shkaktuar edhe tensionet e saj të para.
Qytetarët të ulur këmbëkryq nuk lejojnë asnjë makinë që të futet në qytet dhe kjo gjë ka çuar deri në përplasje me policinë.
Gjithashtu ata kanë djegur edhe goma, era e të cilave e ka rënduar edhe më shumë situatën.
