Ndarja e theksuar sociale dhe ekonomike që ekziston mes të pasurve, politikanëve dhe të varfërve të këtij vendi vjen gjithmonë e më në dukje. Shpesh është kryeministri Edi Rama ai që me fotot e postuara e thekson këtë dallim. Këtë herë ai ka ndarë me ndjekësit e tij në Instagram një foto ku shihet pranë një oxhaku. Rama bën të ditur se ndodhet në një vend me dëborë, me siguri Korça, ku ishte një ditë më parë, ndërkohë nga fotoja ai duket se është ngrohtë veshur me xhup pranë një oxhaku. Në postim ai i ka uruar njerëzve një të dielë të ngrohtë.
“MIRËMËNGJES dhe me këtë zjarr të ëmbël malesh me dëborë, ju uroj një të dielë plot ngrohtësi me kë ju do zemra,” shkruan Rama në postimin e tij.
Kanë qenë ndjekësit e tij që nuk kanë humbur rastin për të sulmuar kryeministrin duke i komentuar në postim.
Ja cilat kanë qenë disa nga komentet me pikante:
‘Ashtu tkeqen ngrohi kembet se po na ftohesh, edhe her tjeter vish naj pal cizme se sesht per turp.’ ‘
Lumsi ti qe vete ku te doje zemra ne male me bore ne liqen ne fusha …ne ngelem brenda nga korona ..’
‘Dhe prap do thone,njerzit skan buke te hane kurse ti ngrohesh ne zjarr maleve!’
‘Nuk e dija që zjarri dhe baruti rrinin kaq pranë ‘
Rama ditën e djeshme ishte në Korçë ku ka zhvilluar një bashkëbisedim me qytetarët dhe ka vizituar disa fshatra turistikë. Si duket kryeministri ka zgjedhur që këtë të dielë ta kalojë atje.
Në fakt nuk dihet ku qëndron vërtetë ironia, te komentet apo te postimii Ramës. Kryeministri i uron shqiptarëve një të dielë të ngrohtë, ndërkohë që shumë njerëz vuajnë në spitale si pasojë e shëndetësisë së rrënuar, shumë të tjerë janë pa punë dhe një pjesë tjetër që punojnë, as nuk e kanë një ditë pushimi. Ndryshe nga Rama që pas një vizite elektorale në Korçë, ka zgjedhur të rehatohet në ndonjë fshat turistik.
