Një njoftim se kryeministri Rama do të kalonte nga Unaza e Re ka mbledhur disa minuta më parë banorët e kësaj rruge, të cilët prej më shumë se katër muajsh protestojnë kundër prishjes së shtëpive të tyre.
Ata kanë bllokuar përsëri aksin rrugor në Astir në të dyja kahet dhe kanë për qëllim ndalimin e kryeministrit Rama dhe bisedimin me të.
Në vendngjarje tashmë kanë arritur forca të shumta policie dhe nuk dihet se çfarë mund të ndodhë.
“Morëm një informacion që Rama do të kalojë këtu dhe për këtë arsye bllokuam rrugën. E kemi bërë thirrje kryeministrit për dialog. Nuk duam që banesat tona të shemben”, ka thënë njëri prej banorëve.
