Nga sot të gjithë personat që duan të lëvizin për arsye shëndetësore, duhet të marrin leje në “e-albania”.
Në një postim në rrjetet sociale, kryeministri Edi Rama, shkruan se qytetari duhet të ketë me vete një dokument mjekësor për vizitën.
Gjithashtu ai mund të shoqërohet vetëm nga nga person tjetër.
Autorizimi do të vlejë vetëm për itinerarin shtëpi-qendër shëndetësore-shtëpi.
Në postim, Rama sqaron edhe procedurën sesi do të kryhet aplikimi.
Të gjithë ata që lëvizin pa leje, do të ndëshkohen në bazë të masave të reja të miratuara në kodin penal.
Që nga dita e sotme, edhe aplikimi për lëvizjen me makinë për në punë, do të bëhet tek portali “e-albania”.
Postimi i Ramës
NGA SOT NË www.e-albania.al EDHE LEJE – DALJET PËR ARSYE SHËNDETËSORE😊
🔴KUJDES! QYTETARI DUHET TË KETË ME VETE NJË DOKUMENT MJEKËSOR PËR VIZITËN!
🔴 QYTETARIN MUND TA SHOQËROJË VETËM NJË PERSON TJETËR!
🔴 AUTORIZIMI VLEN VETËM PËR RRUGËN SHTËPI-QENDËR SHËNDETËSORE-SHTËPI
🟢 NDIQNI PROCEDURËN E THJESHTË NË E-ALBANIA 👇
Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania
– Identifikohuni në portalin e-Albania përmes llogarisë tuaj
-Klikoni shërbimin “Leje për Dalje”
-Zgjidhni opsionin “Leje për arsye shëndetësore”;
-Shkruani saktë daten, orën e lëvizjes dhe itinerarin me destinacionin përkatës
Në rastet kur lëvizja për arsye shëndetësore do të bëhet me automjet:
-Nëse mjeti është në pronësinë tuaj, do t’ju shfaqet direkt në listë.
Nëse jo, ju mund të shtoni manualisht të dhënat e mjetit: Targën dhe numrin e shasisë së tij
Dhe shtypni “Dërgo” për të përfunduar aplikimin
Miratimi do të dërgohet në adresën e-mail dhe në numrin e telefonit të regjistruar në portal.
Kërkesa për leje për arsye shëndetësore bëhet vetëm në e-Albania
🚫 Ata, që lëvizin pa lejen nga e-Albania dhe nuk zotërojnë dokument mjekësor për të justifikuar leje-daljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal!
