Ditën e sotme kreu i Lëvizjes Vetëvendosja, Albin Kurti dhe kreu i Lëvizjes Demokratike të Kosovës, Isa Mustafa, janë takuar sërish.
Ata u takuan ditën e djeshme, por nuk arritën në asnjë rezultat.
Edhe ditën e sotme, dy palët nuk kanë arritur të negociojnë rreth koalicionit qeverisës.
Bëhet me dije se takimi ka zgjatur tri orë.
Zëdhënësi i LDK-së, Besian Mustafa, tha pas takimit se ka lëvizje të pozicioneve të dy partive, dhe ka paralajmëruar edhe një takim për nesër.
“Ka përfunduar. Kemi lëvizje në përpjekje për marrëveshje. Do të kemi edhe një takim të radhës nesër”, ka thënë Mustafa.
Ndonëse legjislatura e 7-të e Kuvendit të Kosovës është themeluar para disa javësh, qeveria e re nuk është krijuar ende.
Kjo pasi VV dhe LDK nuk po arrijnë në një marrëveshje.
Zgjedhjet janë mbajtur që në tetor.
Ndërkohë, Kurti ka takuar edhe Thaçin.
Ky i fundit i la afat Kurtit 48 orë për të zgjedhur kandidatin për Kryeministër nga Vetëvendosja.
Duhet të presim se çfarë zhvillimesh do sjelli takimi i nesërm.
