Ditën e djeshme u mblodh Këshilli Politik, por të shumtë kanë qenë figurat politike e mediatike që nuk i kanë pritur mirë propozimet që u bënë në atë mbledhje.
Menjëherë pa mbledhjes, ajo që reagoi ishte Rudina Hajdari, e cila theksoi se vendi ka nevojë për ndryshimin e sistemit zgjedhor dhe jo për ndryshime sipërfaqësore në interes të partive politike.
Edhe gazetari Mentor Kikia, nuk ka reaguar aspak mirë.
Nëpërmjet një statusi në rrjetin social Facebook, ai është shprehur që kjo që po bëhet në vendin tonë nuk është demokraci.
Kikia ka komentuar sistemin zgjedhor të cilin në mbledhje e kanë vendosur që të mos e ndryshojnë.
Sipas tij sistemi jonë zgjedhor dhe listat e mbyllura janë përgjegjës për degradimin, korruptimin dhe inkriminimin e politikës, deri në atë pikë shprehet gazetari, saqë nga salla e parlamentit kanë dalë me pranga në duar deputetë.
Postimi i plotë i gazetarit Mentor Kikia:
PS dhe PD u morën vesh për të bërë disa retushime të ligjit aktual zgjedhor, por duke rënë dakord, që për mos prekur tri gjëra themelore:
1- Sistemi zgjedhor nuk ndryshon
2- Listat e kandidatëve mbeten të mbyllura
3- Emigrantët sërish nuk do të votojnë
Ky është një lajm i keq, shumë i keq.
Sistemi dhe listat e mbyllura janë përgjegjës për degradimin, korruptimin dhe inkriminimin e politikës, hap pas hapi, deri në atë pikë sa kishim deputetë që dolën me pranga në duar nga salla e parlamentit.
Ky sistem dhe listat e mbyllura janë përgjegjës për vrasjen e çdo elementi demokracie brenda partisë dhe shnëdërrimin e tyre në sipërmarrje private të kryetarëve. Partitë autoritariste prodhojnë qeveri autoritariste.
Kjo është aksiomë.
Vota e emigrantëve ishte shpresa e vetme për të shpartalluar këtë kastë që demokraci quan vetëm rrokadën e pushtetit nga njëra palë tek tjetra.
Në një vend që nga viti në vit po shndërrohet në një fshat me 1 milion banorë, sundimi bëhet gjithnjë e më i lehtë.
Njerëz që punojnë në administratë, njerëz që kanë të lidhur stomakun me biznesin e vogël, njerëz që edhe tek kompania private ua dikton pronari votën.
Fukarenj dhe njerëz të pashpresë që e shesin votën edhe për 20 mijë lekë të vjetra, me arsyetimin se “të gjithë njësoj janë, të paktën të marr ndonjë lek”. Këto faktorë kanë bërë që shoqëria të bëhet gjithnjë e më e nënshtruar.
Duke qene jashtë këtyre interesave dhe lidhjeve dhe më të pavarur, emigrantët mund të ishin një faktor shkatërrimi i këtij realiteti.
Besoj e mbani mend që dy herë i bërë Erdogani zgjedhjet lokale në Stamboll dhe dy here i humbi, me gjithë atuoritarizmin që ka.
Sepse është votë masive dhe votën masive nuk e kontrollon dot me kërcënime për pushme nga puna, as me trasta me ushqime.
Por edhe në 2021 emigrantët sërish nuk do të votojnë.
Kjo nuk është demokraci!
https://www.facebook.com/mentor.kikia/posts/2646364048951321
