Të shtëna me armë zjarri u regjistruan mesnatën e djeshme në zonën e Yrshekut në Tiranë.
Mësohet se breshëria e armëve ishte ndaj një kompleksi në pronësi të Enver Çaushit.
Detaje të tjera janë zbardhur në lidhje me ngjarjen e ndodhur mbrëmjen e djeshme që për fat të mirë pati vetëm dëme materiale.
Vetë pronari i kompleksit “Eiffel”, është shprehur para grupit hetimor se ngjarja nuk ka lidhje të drejtpërdrejtë me të dhe se autorët duhet të kenë ngatërruar shenjestër.
Ernver Çaushi është shprehur se nuk ka konflikt me asnjë person dhe nuk ka ndonjë dyshim për ndonjë person në veçanti.
Çaushi është i lidhur me një ngjarje ku protagonist ka qenë nipi i tij, Florjan Çaushi i cili ka marrë peng para disa vitesh mori peng tregarin Syria Delin për një borxh të pretenduar 20 mijë euro.
Florian Çaushi është gjithashtu djali i dajës së Elton Deliut, i cili mbeti i vrarë nga një atentat në apartamentin e tij në vitin 2008.
Sipas “Dosja,al”, në vitin 2012, Çaushi mori peng Xhelin, dhe prentedonte se ky i fundit, i kishte një borxh prej 20 mijë eurosh kushëririt të tij të ndjerë.
Në mungesë të Elton Deliut, që figuronte i vrarë prej katër vitesh, Çaushi kërkonte që Xheli t’ja jepte atij borxhin që i kishte pasur Deliut.
Ndaj edhe Florjan Çaushi e lidhi këmbë e duar Xhelin dhe e dhunoi me shkop bejsbolli nën kërcënimin e një arme zjarri, ku i kërkonte që t’i kthente borxhin.
Nga ana tjetër, Xheli pretendonte se ai i kishte vetëm 1 milion e 500 mijë lekë të vjetra borxh.
Pas disa orësh torturë, Xheli u la i lirë me qëllimin që të kthehej bashkë me paratë, por ai shkoi dhe ngriti padi në polici.
Për pasojë është bërë arrestimi i Florian Çaushit dhe më 13 nëntor u dënua nga Gjykata e Tiranës me 3 milion lekë të vjetra, duke përfituar edhe nga gjykimi i shkurtuar.
