Një 51-vjeçar nga Patosi është arrestuar nga policia, pas qëlloi me armë zjarri në ajër.
Ngjarja është regjistruar gjatë mbrëmjes së djeshme, në Grizë të Patosit.
Policia është njoftuar nga qytetarët, të cilët janë shqetësuar nga të shtënat.
Blutë e Fierit, pasi informacionit të marrë nga banorët, bënë të mundur identifikimin dhe arrestimin e shtetasit A.B.
Gjatë kontrolleve të ushtruara në ambientet pranë magazinës ku u regjistruan të shtënat, polica sekuestroi si provë materiale 1 pushkë dhe 3 krehëra me fishekë.
Materialet proceduriale i kaluan Prokurorisë së Fierit për veprime të mëtejshme.
Njoftimi i policisë
Patos, Fier
Qëlloi në ajër me armë zjarri, identifikohet dhe vihet në pranga nga Policia
Sekuestrohet arma e zjarrit me të cilën kishte qëlluar në ajër, si dhe një sasi fishekësh luftarakë.
Shërbimet e Policisë pas telefonatës së marrë në numrin 112 se në Grizë, Patos, në orët e vona të mbrëmjes janë dëgjuar të shtëna me armë zjarri, kanë shkuar menjëherë në vendngjarje dhe falë veprimeve të shpejta, bazuar dhe në informacionin e marrë nga banorët, kanë bërë të mundur identifikimin, kapjen dhe arrestimin e shtetasit A.B., 51 vjeç, banues në Fier.
Nga veprimet e para hetimore dyshohet se ky shtetas ka qëlluar në ajër me armë zjarri, pranë magazinës së tij. Gjatë kontrollit në ambientet e magazinës u sekuestruan në cilësinë e provës materiale 1 armë zjarri pushkë dhe 3 krehëra me fishekë.
Materialet i kaluan Prokurorisë pranë Gjykatës së Shkallës së Parë Fier, për veprat penale “Mbajtja pa leje e armëve dhe municionit luftarak” dhe “Prishja e qetësisë publike”.
