Policia ka arrestuar Hasan Isufin, të njohur edhe si Bardh Isufi, për tentativën e vrasjes, të regjistruar pasditen e djeshme në Shkodër.
69-vjeçari me dy emra akuzohet se qëlloi me armë zjarri Gëzim Bicin pranë urës së Bunës.
Shkak për plagosjen mendohet të jetë bërë një konflikt pronësie mes autorit dhe të plagosurit.
Pak përpara se të ndodhte plagosja, ata kanë debatuar për një guorore që ndodhet rreth 200 m larg urës së Bunës.
Policia bën me dije Isufi është një person me precedent penal të mëparshëm.
Njoftimi i policisë
Vihet në pranga autori i kësaj ngjarjeje, shtetasi H. I., i cili pas një konflikti për motive pronësie plagosi me pistoletë 50-vjeçarin. Autori, me precedent penal të mëparshëm në fushën e krimeve të rënda ndaj personit. Vijon kontrolli dhe priten polumbarët, pasi dyshohet se autori e ka hedhur në lumin Buna armën e krimit. Falë reagimit në kohë të strukturave të Drejtorisë Vendore të Policisë Shkodër, në lidhje me një konflikt që po ndodhte te Ura e Bunës dhe për pasojë ishte plagosur një shtetas, u bë e mundur që në kohë rekord të kapej dhe të shoqërohej në Polici autori i dyshuar i kësaj ngjarjeje. Në përfundim të veprimeve, specialistët për Hetimin e Krimit në Komisariatin e Policisë Shkodër bënë arrestimin në flagrancë të shtetasit H. I., alias B. I., 59 vjeç, banues në Shkodër, pasi ky shtetas, për motive pronësie, plagosi me armë zjarri shtetasin G. B, 50 vjeç, i cili ndodhet jashtë rrezikut për jetën. Vijon puna për gjetjen e armës, pasi dyshohet se autori, pas plagosjes, mund ta ketë hedhur armën në lumin Buna. Materialet iu referuan Prokurorisë së Rrethit Gjyqësor Shkodër, për veprën penale “Vrasja me paramendim, e mbetur në tentativë”
