Në kuadër të procesit të riatdhesimit për shtetasit shqiptarë jashtë vendit dhe që duan të kthehen në Shqipëri kompania shqiptare e fluturimeve “Air Albania” ka publikuar sot oraret e fluturimeve, nga data 29 maj deri në 3 qershor.
29 maj do të kryhen fluturimet Stamboll-Tiranë, Tiranë-Milano dhe Milano-Tiranë.
30 maj do të kryhet fluturimi Tiranë-Frankfurt, në 31 maj Tiranë-Romë dhe Romë-Tiranë, si dhe Tiranë-Milano dhe Milano-Tiranë.
1 qershor do të kryhet fluturimi Tiranë-Frankfurt dhe Frankfurt-Tiranë.
Udhëtimet do të kryhen vetëm me Air Albania dhe qytetarët duhet ta prenotojnë fillimisht biletën.
“Për çdo informacion shtesë ju lutem kontaktoni në: +35542246000”, njofton kompania ajrore.
Këto fluturime kryhen për qytetarët shqiptarë dhe të huaj që synojnë të kthehen në vendet e tyre, pasi mbetën të bllokuar nga mbyllja e kufijve prej pandemisë COVID-19.
https://www.facebook.com/airalbaniaofficial/posts/574684839847513
Kujtojmë se operacionet e para të riatdhesimit në vendin tonë kanë nisur në fund të marsit me Greqinë dhe Italinë, për t’u zgjeruar pastaj në vende të tjera ku ka pasur më shumë shqiptarë të bllokuar.
Nëse fillimisht të riatdhesuarit duhet të karantinoheshin në hotel, me vendimet e fundit të qeverisë, duke filluar nga 4 maji ata janë karantinuar në shtëpitë e tyre për 14 ditë.
