Ngjarja tronditëse gjatë protestës së PD ditën e sotme në kryeqytet mori ‘dhenë’.
Duke ecur kryetari i PD Sali Berisha u godit me grusht nga një ‘protestues’ ku sipas tij kishte shitur veten te Rama.
Gert Shehu, është i riu 31-vjeçar që goditi me grusht Sali Berishën sot në protestën e opozitës.
Teksa Berisha e Ilir Meta marshonin me një grumbull njerëzish mbrapa në Bulevard, Shehu u shfaq papritur duke i shpëtuar vigjilencës së truprojave të kreut të PD-së dhe duke goditur ish-kryeministrin në fytyrë.
Më pas njerëzit e Berishës iu sulën njëherësh duke e goditur 31-vjeçarin, që përfundoi i gjakosur.
Për incidentin e ndodhur kanë dërguar informacione dhe hakerat iranianë të “Homeland Justice”.
Në grupin e Telegram, ata shprehen se “emri i Gert Shehut rezulton i skeduar në databasat e policisë”.
Kujtojmë se Kryetari i Partisë Demokratike ndonëse u godit fizikisht ai ka mbajtur sërish një fjalim para qytetarëve të cilët ishin mbledhur për të protestuar. Berisha foli në lidhje me këtë sulm dhe akuzoi drejtpërdrejt Ramën si autor të vërtetë. Ai i bëri thirrje policisë që ta lirojë autorin, pasi i vërteti ndodhet në samit.
“Ti themi policisë liroje fatkeqin. Liroje sepse është një mjeran, ka shitur veten,. Përpiqen sot ta lidhin…Ka vetëm një autor, ky është Edi Rama. Mos shpërndani dokrra dhe përralla sepse autori i vërtetë është i ulur në Samit”, tha Berisha.
