Ditën e djeshme pronarë të lokaleve të natës si dhe artistë organizuan protestën e dytë para Kryeministrisë për të kundërshtuar vendimin e qeverisë për mbylljen e clubeve dhe bareve lounge.
Gjatë protestës së parë policia shoqëroi 12 persona, ndërsa për protestën e organizuar dje u proceduan penalisht 5 persona.
BallkanWeb mësoi sot se konkretisht janë proceduar Bislim Lakna, Klodian Leka, Darjo Çoclli, Bledi Ndreca, Ardit Fera, Eden Kollcinaku.Ata akuzohen për organizim grumbullim dhe manifestim të paligjshëm dhe nuk iu bindën urdhrit të punonjësve të Policisë për t’u shpërndarë, procedohen penalisht 5 shtetas, organizatorë të tubimit.
Specialistët për Hetimin e Krimit në Komisariatin e Policisë Nr. 2, në përfundim të veprimeve të kryera në lidhje me protestën e paligjshme të zhvilluar mesditën e djeshme në bulevardin “Dëshmorët e Kombit”, proceduan penalisht në gjendje të lirë 5 shtetas, për veprat penale “Organizimi dhe pjesëmarrja në grumbullime e manifestime të paligjshme”, “Pengimi i qarkullimit të mjeteve të transportit”, “Kundërshtim i punonjësit të Policisë së rendit publik” dhe “Mosbindja ndaj urdhrit të punonjësit të Policisë së rendit publik”, pasi kanë protestuar në mënyrë të paligjshme, pa lejen e organeve kompetetente, duke penguar qarkullimin e mjeteve dhe duke i janë bindur urdhrit të punonjësve të policisë për t’u shpërndarë.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
