Banorët e Shijakut janë ngritur sot në protestë. Infrastruktura e rënduar e rrugës që lidh qytetin bregdetar të Durrësit me Shijakun është bërë shkak.
Protestuesit kanë bllokuar për disa minuta aksin rrugorë dhe u kanë vënë flakën disa kazanëve të plehrave që gjendeshin aty pranë vendit ku bëhej protesta. Ata bëjnë thirrje që të merren masa urgjente për segmentin rrugor që lidh qytetin bregdetar të Durrësit me Shijakun pasi është bërë i pakalueshëm. Banorët shprehen se kjo rrugë po shkon drejt degradimit pasi aty nuk është bërë asnjë lloj investimi prej shumë vitesh.
Rruga Shijak-Durrës përshkohet në të dyja korsitë e saj nga banesa e biznese dhe ndërkohë gropat, kanalet, pellgjet me ujë shoqërojnë segmentin përgjatë gjithë gjatësisë së tij.
Kjo është arsyeja që banorët protestojnë dhe nuk lënë pa përmendur qeverinë duke i thënë Edi Ramës që ai kishte premtuar që do merrej me përmirësimin e atij aksi rrugor dhe nuk bëri asgjë.
Ata gjithashtu thonë se po i shkatërrojnë makinat e tyre nëpër gropa dhe sipas tyre kjo nuk mund të quhet rrugë nacionale pasi është lënë në harresë që nga krijimi i autostradës Tiranë-Durrës.
Dritan Agolli, njeriu që shndërroi FSHZH në bankomatin e klientelës: nga tenderi 6 milionë dollarësh i satelitëve te mashtrimi i ri 2.6 milionë euro me avionë
Qeveria po përsërit të njëjtin mashtrim që ka bërë për vite me radhë: teknologji me bujë, premtime me fjalor futurist,...
