Protesta e banorëve të Bregut të Lumit nuk është duke u pakësuar, përkundrazi duken të vendosur për të mbrojtur banesat e tyre.
Ditën e sotme që prej orës 06:00 të mëngjesit, banorët kanë dalë sërish për t’i bërë rezistencë forcave policore, të cilët kanë shkuar sërish me fadormat INUV-it për të hedhur në tokë banesat e për të nisur punën për ndërtimin e “Unazës së Re”.
Ashtu si ditën e djeshme, edhe sot ka pasur përsëri përplasje mes banorëve dhe policisë, të cilët kanë qëlluar me gurë dhe kanë bërrtitur edhe një herë se nuk do të lejojnë në asnjë mënyrë që shtëpitë e tyre të prishen pa marrë asnjë dëmshpërblim.
Për shkak të rezistencës së hasur, policia ka vendosur që të arrestojë disa persona, ndërkohë që janë duke monitoruar zonën për të filluar punën.
Në zonë kanë mbërritur edhe forcat e FNSH-së të cilët janë duke u përpjekur për të mbajtur situatën nën kontroll, por përsëri banorët nuk janë stepur.
