Aleanca për Teatrin ka protestuar ditën e sotme përpara Bashkisë së Tiranës, në lidhje me procedurat për tenderin e projekti të ri.
Pjesë e protestës ishte edhe aktori i njohur Mehdi Malkaj.
Ky i fundit lëshoi një mesazh për kreun e bashkisë, Erion Veliajn. Malkaj kërkoi nga Veliaj, që të saktësonte se çfarë çete janë, duke iu referuar epitetit që kryebashkiaku i ka vënë Aleancës për Teatrin.
Sipas tij, Veliaj do të ishte më mirë që të merrej me të prekurit nga tërmeti dhe jo me Teatrin.
“Jam si macja tek piano përballë pianos kur flitet për ligje. Teatri i nxori blof të gjithë arkitektët nga ishin dhe nga nuk ishin. Se është aty nuk i dridhet qerpiku fare. Hajde tërmet thotë. Është fatkeqësi e madhe për ata që pësuan nga tërmeti. Do ishte më mirë që kryetari të ndërtonte ndonjë gjë për ata që vuajnë atje, që kanë nevojë për kujdes sesa të merren me teatrin. Unë dua të sqaroj një gjë të vogël me veten të paktën çetë, tani ne jemi çetë partizane, çetë balliste, zogiste. Çfarë lloj çete jemi neve? Këtë dua të sqaroj. Po patët mundësi më jepni sqarim. Ore çfarë çete jemi ne? Jemi të armatosur apo nuk jemi të armatosur. Dreqi e mori, kjo lufta partizane, unë kam respekt për të por me çfarë ta filloj?”, tha ai.
