Protestuesit kanë vijuar protestën për vrasjen e Klodian Rashës deri në sheshin ”Skënderbej”.
Protestuesit nuk ndalen. Ata kanë sulmuar edhe Bashkinë e Tiranës.
Më pas ata kanë sulmuar edhe pemën e “Vitit të Ri” në sheshin “Skënderbej”. Forcat e rendit kanë hedhur edhe aty gaz lotsjellës.
Kësaj radhe ata janë kapur me pemën e Vitit të Ri në shesh duke i hequr zbukurimet dhe duke i vënë flakën. Ata fillimisht kanë kapur dritat duke ia hequr pemës ndërkohë vetë pemën nuk e kanë rrëzuar dhe kanë ndezur një zjarr poshtë saj.
Më parë protestuesit sulmuan Kryeministrinë, Ministrinë e Brendshme si dhe godinën e Bashkisë së Tiranës si revoltë ndaj aktit të djeshëm për vrasjen e Klodian Rashës nga një efektiv policie në mesnatë në Laprakë të Tiranës.
Më pas protestuesit bënë thirrje për t’u drejtuar për te drejtoria e policisë së Tiranës.
/GazetaReforma.com/
