“Studentët shqiptarë kërkojnë ulje të tarifës për shkollim”.
Me këtë titull media prestigjioze “Washington Post” i dedikon një hapësirë në portalin e saj përmes një artikulli, protestës së studentëve që vazhdon për të katërtën ditë radhazi.
“Mijëra studentë të universiteteve publike kanë bllokuar rrugët kryesore në kryeqytet, Tiranë, duke protestuar përpara Ministrisë së Arsimit. Ata thonë se do të bojkotojnë shkollën derisa kërkesat e tyre të pranohen. Protestat po zhvillohen edhe në qytete të tjera. Studentët duan të shkurtojnë gjysmën e pagesës vjetore prej 20,000 deri në 320,000 lekë”, shkruhet në artikullin e medias amerikane.
Më tej në shkrim pasqyrohet vendimi që bëri publik ministrja Lindita Nikolla për heqjen e tarifës shtesë për provimet e mbartura, por që qeveria nuk mund të bëjë asgjë për tarifat.
“Studentët thanë se do të vazhdojnë protestën derisa të përmbushen të gjitha kërkesat e tyre. Ata gjithashtu kërkojnë akomodim dhe përfaqësim më të mirë në organet vendimmarrëse të universiteteve”, përfundon shkrimi i “Washington Post”.
Burimi: Washington Post
