Në komisionin e Çështjeve Ligjore, ditën e sotme janë miratuar ndryshimet në ligjin për Policinë e Shtetit.
Këto ndryshime, parashikojnë që punonjësit e Policisë të lejohen të transferohen nga detyra e tyre, në administratë.
Duke sqaruar ndryshimet në Komisionin për Çështjet Ligjore, Lleshaj tha se gjatë kësaj kohe, periudha e punësimit në administratë, do i njihet si vjetërsi pune në radhët e policisë, ndërsa ata do të kenë mundësi të rikthehen sërish në detyrën e përparme.
Ndërkohë, Lleshaj u shpreh se tashmë punonjësit e Policisë që merren me ruajtjen e objekteve të rëndësisë së veçantë, kur të kalojnë në moshë të thyer, mbi 50 vjeç, do transferohen për të ruajtur shkollat. Në këtë pozicion ata nuk do të jenë më punonjës policie, por si punonjës të sigurisë së këtyre objekteve.
/GazetaReforma.com/
