Prokuroria e Krimeve të Rënda ka kopsitur dosjen për sekuestrimin e 3.4 milion eurove në mjetet “Toyota Yaris”në portin e Durrësit.
Organi i akuzës i ka komunikuar Edi Likës, Klevi Likës dhe Alban Mollaymerit, akuzën për “Grup të strukturuar kriminal”, shkruan “Shqiptarja.com”.
Në të njëjtën kohë, po kryhen veprime hetimore për Elvis dhe Alfred Vladin, të cilët janë shpallur në kërkim.
Ndërkohë Agim Ceka është përjashtuar nga akuza e “Grupit të strukturuar kriminal”, pasi nga kontrollet në shtëpinë e tij, u gjet vetëm një pushkë.
Paralelisht me prokurorinë shqiptare, këtë çështje po e heton edhe drejtësia belge.
Pak muaj më parë, në Shqipëri erdhën disa prokurorë blegë, të cilët morën në pyetje, kreun e Partisë Demokratike, Lulzim Bashën.
Kujtojmë këtu se në qershor të 2018-ës, në portin e Durrësit u sekuestruan 3.4 milion euro, të cilat ndodheshin në dy mjete të tipit “Toyota Yaris, që vinin nga Belgjika.
Edi Lika, Klevi Lika dhe Agim Cekaj, janë personat që bënë transportin e makinave, të cilat rezultojnë të jenë blerë në Gjermani në emër të Alban Mollaymerit, për llogari të Elvis dhe Alfred Vladit.
