Ditën e sotme, kryeministri Edi Rama së bashku me ministren e Infrastrukturës, Belinda Ballukun, kanë njoftuar se shumë shpejt do të nisë puna për ndërtimin e hidrocentralit të Skavicës.
Sipas Ramës, pas 40 vitesh në sirtar kjo vepër do të nisë të ndërtohet dhe do e bëjē Shqipërinë të ketë një rol kyç në rajon për sektorin e energjitikës.
https://www.facebook.com/edirama.al/videos/659614428221552/
Mirëpo, pas prezantimit të projektit, ish-kryeministri Sali Berisha reagoi në rrjetet e tij sociale duke u shprehur se projektin e kishte miratuar në vitin 2010 dhe se pasardhësi i tij e kishte përvetësuar duke marrë edhe meritat.
Më tej, Berisha shkruan se punimet për ndërtimin e projektit do të fillonin në vitin 2013 por u shtynë për shkak të zgjedhjeve parlamentare, të cilat u fituan nga Rama.
https://www.facebook.com/121577844669798/posts/1612141648946736/
Këtyre akuzave u është përgjigjur së fundmi, ministrja e Infrastrukturës dhe e Energjisë, Belinda Balluku, e cila ka hedhur poshtë pretendimet e ish-kryeministrit Sali Berisha se ka qënë qeveria e tij ajo që ka krijuar projektin për ndërtimin e HEC-it në Skavicë.
Lidhur me pretendimet nuk ka ende një reagim nga kreu i qeverisë, ndërsa Balluku shkruan se projekti nuk është i tiji megjithatë theksoi se rëndësi ka që ndërtimi i HEC-it do të finalizohet.
“S’merrem kurrë me Qytetarin Dixhital, por më vjen mirë që i ka bërë përshtypjen e merituar Projekti i Skavicës! Ai kujton se e ka bërë vetë në 2010, por të mos mërzitet kaq shumë. Rëndësi ka që Skavica do të bëhet dhe ëndrra e tij dhe e Enverit e mbetur në beze, do të realizohet,”-shkruan Balluku në reagimin e saj.
