Policia e Dibrës ka proceduar penalisht nëntë persona për krime mjedisore si prerje e paligjshme e pyjeve dhe ndërtime pa leje.
Policia identifikoi 6 raste të ndërtimeve pa leje dhe procedoi shtetasit me iniciale Z.D, A.P, H.K banues në Dibër, K.P, A.K dhe A.Sh nga Mati me banim në Bulqizë.
Ndrërsa tre persona janë proceduar për prerje të paligjshme të pyjeve. Policia sekuestroi edhe 30 m3 lëndë drusore. Materialet i kanë kaluar prokurorisë për hetime të mëtejshme.
Njoftimi i policisë:
Policia, plan masash për parandalimin dhe goditjen e krimeve mjedisore. Goditen 9 raste, nga këto: 6 raste të ndërtimeve pa leje dhe 3 raste për “Prerja e paligjshme e pyjeve” Procedohen penalisht 9 shtetas si dhe sekuestrohen rreth 30 m3 lëndë drusore. Strukturat e DVP Dibër, në zbatim të planit të masave për parandalimin dhe goditjen krimeve mjedisore, si rezultat i kontrolleve dhe informacioneve të marra në rrugë operative kanë evidentuar dhe goditur 9 raste.
U proceduan penalisht shtetasit:
- D., A. P., dhe H. K, të tre banues në Dibër,
- P., dhe A. K., banues në Mat
- Sh., banues në Bulqizë
Procedimi penal ndaj tyre filloi pasi janë konstatuar nga shërbimet e policisë duke ndërtuar objekte, pa lejen e organeve përkatëse.
Lënda drusore dhe automjetet u sekuestruan në cilësinë e provës materiale. Materialet në ngarkim të këtyre shtetasve janë referuar në Prokuroritë e Rretheve Gjyqësore Dibër dhe Mat, për veprat penale “Prerja e paligjshme e pyjeve” dhe “Ndërtimi pa leje”. Policia e Dibër do të vijojë kontrollet për parandalimin dhe goditjen e krimeve mjedisore dhe në këtë kontekst kërkon bashkëpunimin e qytetarëve që të denoncojnë çdo rast që ata konstatojnë, në numrin unik 112 apo në Komisariatin Dixhital.
